काठमाडौँ —भाद्र १९, २०८१। 

ड्रिम मोडलिङ एजेन्सीद्धारा आयोजित बालबालिकाहरुको प्रतियोगितामुलक सौन्दर्य प्रतियोगिता 'जुनियर मिस्टर एण्ड मिस उर्लाबारी २०८१' को उपाधी कृष्ण गुरुङ्ग र मर्टिना सुबेदीले जितेका छन् ।  अन्य प्रतिस्पर्धीलाई उछिन्दै उनीहरुले क्रमश बालक र बालिका तर्फ शिर्ष स्थान हासिल गर्दै जुनियर मिस्टर एण्ड मिस उर्लाबारीको शिर्ष उपाधी जितेका हुन् । 

कृयटर आर्ट्स फाउन्डेसनको एसोसियसनमा सम्पन्न उक्त अन्तिम स्पर्धामा बालिकातर्फ अस्बिना खड्का फर्स्ट रनर अप र भावना धिमाल सेकेण्ड रनर अप बन्न सफल रहे भने बालकतर्फ प्रोत्शान भट्टराई फर्स्ट रनर अप र अनुभव अधिकारी सेकेण्ड रनर अप बन्न सफल रहे । प्रतियोगिताको निर्णायकमा मिस नेपाल वर्ल्ड २०२१ नम्रता श्रेष्ठ, मिसेस नेपाल वर्ल्ड २०२३ पृथिव्या थापा, रोनक फेसन एजेन्सी सिईओ रोनक अग्रवाल, काजी प्रोडक्सन सिईओ तथा मोडल सुशान्तकाजी श्रेष्ठ, होप धरान अध्यक्ष निश्चल पालिखे रहेका थिए। 

जुनियर मिस्टर एण्ड मिस उर्लाबारीका सहभागीले फेसन कोरियोग्राफी तथा व्यक्तित्व विकासमा करिब १ महिनाको प्रशिक्षण पश्चात अन्तिम प्रतिस्पर्धामा उत्रिएका थिए । सहभागी बालबालिकाको बौद्धिक सुन्दरता र प्रतिभालाई समाजमा स्थापित गर्न र सामाजिक दायित्व निर्वाह गराउने अवसर प्रदान गर्ने उदेश्यसहित 'जुनियर मिस्टर एण्ड मिस उर्लाबारी'आयोजना गरिएको ड्रिम मोडलिङ एजेन्सी प्रमुख सौरभमान भण्डारीले जनाएका छन् ।